فساتين انستقرام فاخمه و ناعمه و دانتيل للسهرات موديلات انستقرام جديدة

علاج تساقط الشعر من الامام وصفات طبية مجربة لعلاج سقوط الشعر الامامى

مشكلة مستعجلة لبنوتة امورة


حبيبتى فى الله عندى مشكله ومش عارفه اعمل ايه بالظبط ومشكلتى هى انه فى واحد تقدم لى وسنه 34 سنه مطلق وعنده والد عايش مع امه وعلى فكره طليقته كانت تكبره بحولى 8 او 9 سنين وعندما تزوجها كان عمره 26 عاما وهى 34 او 35 سنه المهم سبب الطلاق انها دائما كانت تحب السيطره وان كلمتها هى اللى تمشى

لدرجه انهم عندما كانوا يذهبون لشراء اى شىء فعندما يبدى هو رأيه كانت تعنفه امام الناس ولانه هو كان طيب جدا فكان لا يعنفها على ذلك وللاسف
هذا كان كلام والدته لى لدرجه انها قالت لى انه تعب جدا معها فذهبت به امه للدكتور وقال لها يجب ان يطلق ابنك من هذه المراه لانه يمكن ان يصل به الامر للانهيار عصبى
وتم الطلاق وايضا ولسوء الحظ انه فقد عمله وذلك بسبب ان الشركه التى كان يعمل بها تخصخصت وخرج معاش مبكر
وهذا اثر جدا على نفسيته
على فكره كان يعيش مع زوجته السابقه فى شقه مستقله بعيده عن والدته ام الان فانه يريد الزواج فى الشقه التى بها والدتى وامه ايضا تريد ذلك
وقالت لى ان الشقه التى اعيش فيها شقه ايجار قديم فهى عايزة ابنها يجوز فيها ويقعد معاها علشان بعدين تبقى ليه
على فكره هو الولد الوحيد وله ثلاث اخوات بنات وهو اصغرهم فمن خلال كلامى معاه حسيت انه فى كتير من صفات البنات الخجل الزائد الحنيه الزائده حبه للبيت وبحس انه مش راجل بمعنى الكلمه انه ممكن يحميك بحس انى انا اللى المفروض اوجه يعمل ايه وميملش ايه وعلى فكره هو مدخن وكمان الصلاه مش بيصليها فى المسجد لكن الصلاه بيصليها فى البيت
من خلال كلامى معاه حسيت انه مش طبيعى يعنى مثلا بيقولى انه بيحب يتفرج على الافلام الهنديه وانه بيحبها قوووى ولما سألته ليه بيحبها قالى كلمه غريبه قالى بحبهم لانك تحسى انهم انقياء وانهم من الاخره فكلامه غريبه وفى مره تانيه لما بقوله انت ليه يا احمد مش بتصلى فى المسجد قالى جمله غريبه قالى لان الناس اللى بتروح المسجد واخده الموضوع عافيه وانه بيستعرضوا نفسهم
كلامه مش مفهوم خلاص ولما تضايقت منه قالى خلاص هبتدى اروح المسجد والكلام ده كان قبل رمضان وكان فى الوقت ده قبل صلاه المغرب فتفقت معاه انه ينزل يصلى المغرب وانى هتصل بيه بعد الصلاه وفعلا اتصلت وسالته ان كان نزل يصلى ام لا فقال لى لا وقالى كلمه غريبه انه المفروض هو الرجل يعنى ميسمعش كلامى
المهم اتخنقت منه فقالى خلاص ده وعد هنزل اصلى من بكره خلاص وفعلا نزل يصلى فى المسجد طبعا ده على كلامه وكلام والدته
والله اعلم ان حقيقى ام لا
المهم فى الاخر حسيت نفسى انى مش مرتاحه وقفلت الموضوع بعدها بحوالى اسبوعين اتصلت بيه الحاجه اللى كانت جيبالى العريس ده والحاجه كانت تعرفنى لانها كانت تحفظنى القراءن المهم اتصلت بيه وقالتى ان ام العريس اتصلت بيها وقالتلها احنا ارتحنلها قووى هى ليه رفضت الموضوع واحنا شرينهم وبصراحه نفسى انها تكون مرات ابنى فقلتلها على الحاجاتى اللى انا ذكرتها لحضرتك سابقه المهم قالتلى يابنتى متبعيش اللى شاريكى وغير كده انتى تقدرى تغيريه للاحسن
والكلام ده كان برضه نفس كلام ماما وخصوصا لان سنى الان 30 سنه يعنى المفروض اوافق لان بلعب فى الوقت الضايع على فكره هو رومانسى جدا وحنين جدا جدا وطيب جدا جدا يعنى على نياته قووووووى
وعلى فكره هو بيصلى ومحافظ على الصلاه وهو فيه علامه صلاه لكن للاسف كما ذكرت سابقه ان صلاته فى المنزل وليس فى المسجد فانا حاسه انه بيسجيب للكلام يعنى مثلا ابتدى يصلى فى المسجد وانه نفسه يبطل السجاير بس عايز حد يعاونه على كده وانه عنده استعداد لده وانه كان دايما يحب يرجع من الشغل ويقعد يحكى لمراته على ايه اللى حصل معاه فى الشغل لكن كانت هى مبتحبش تستمعله وكان دايما يحب يخرج معاها فوالدته قالتى انه رومانسى قوى يحب جدا يخرج مع مراته موانه ملهوش اصحاب وعلى فكره والده توافى منذ ان كان صغيرا وووالدته هى التى ربتهم انا بصراحه عايزة اوافق مش حبه فيه ولكن لانى مش عايز اعنس لانه زاى ما انتى عارفه انه فى زمانه ده العنوسه كثرت اعتذر عن الاطاله وارجوا منكى الرد على سريعا وجزاكى الله خيرا


السلام عليكم ورحمة الله وبركاته وكل سنة وانتى طيبة

فى البداية ان هحاول افكر معاكى بصوت عالى ونحلل كلامك سوا كالتالى
اولا: فى حاجة لازم تعرفيها منه هو مش من والدته وهى ايه اللى يخليه يتجوز واحدة اكبر منه بحوالى 8 او 9 سنين واحنا فى مجتمع شرقى بيرفض ان الزوجة تكون اكبر من الزوج بكل هذه السنوات
وكمان بعد ما خرج معاش مبكر من شغله هل هو دلوقتى بيشتغل ولالاء يعنى هل يقدر يفتح بيت ويصرف عليكى وعلى ابنه اللى مع مراته لانه شرعا مسؤل منه حتى لو كان عايش مع امه

وبالنسبة لسكنك مع امه فديه حاجة تتوقف عليكى انتى بمعنى هل هتقدرى تعيشى معاها وتقبلى انها تشاركك فى كل حاجة فى البيت ولا لاء مش هتقدرى وعلى فكرة انا اعرف تجارب ناجحة جدا جدا لزوجات عايشة مع حماتهم وبيتعاملوا كأم وبنتها ولكن للاسف اعرف تجارب اخرى فشلت بسبب تدخل الحماة فى كل صغيرة وكبيرة لدرجة ان الزوجة بتحس انها اتجوزت الابن وامه معا وكمان متنسيش تعرفى موقف اخواته البنات من سكنكم مع امه فى الشقة لانهم مكن بعدين يرجعوا يطالبوا بحقهم فى شقة امهم

والنسبة لحكاية الصلاة فكويس جدا انه مواظب على تأديتها ولكن بالنسبة للصلاة فى المسجد فواضح ان تفكيره فيها مشوش شويه لانه المفروض يكون عارف ان صلاة الرجال فى المسجد ضرورية وواجبة وكمان التبرير اللى قاله ليكى ده غير منطقى بالمرة زيه زى الكلام اللى قاله ليكى على الافلام الهندى والمشكلة انه يكون بيفكر فى الحياة بالشكل ده

وكمان لازم تحطى فى اعتبارك انه كان صادق معاكى فى موضوع ذهابه للمسجد يوم صلاة المغرب وده شئ ايجابى انه يقولك الصدق رغم انه عارف ان ده هيعمل له مشكلة معاكى وكمان شئ كويس جدا انه بيحب يحكى لشريكة حياته على اللى بيحصل فى شغله لان ده معناه انه بيحب يشاركها فى كل شئ وكمان انك بتقولى عليه انه رومانسى وطيب وحنين ده برده شئ يحسب ليه
نيجى بقه للمهم وهو هتعملى ايه هل هتوافقى ولا هترفضى
بصى يا قمر انا رايى انك اول حاجة تعمليها صلاة استخارة علشان ربنا يساعدك فى اختيارك وكمان تصلى صلاة حاجة وتطلبى من ربنا انه يرزقك الزوج الصالح والذرية الصالحة
وبعد كده تقعدى تفكرى فى الكلام اللى هقولهولك ده بس اهم حاجة انك تكونى صريحة مع نفسك لان المستفيد الاول والاخير من صراحتك ديه هو انت ومحدش غيرك
**اول حاجة تفكرى فيها هل هو ده الشخص اللى يصلح يكونزوج واب يعتمد عليه طول العمر مع الاخذ فى الاعتبار ان الطيبة صفة من اروع الصفات اللى ممكن تكون فى الراجل بس المهم انها متكنش سلبية وضعف فى الشخصية وعلى فكرة انا مش بحيرك لكن بقترح عليكى علشان تتأكدى انه شخص طيب وحنين مش شخص سلبى وضعيف الشخصية انك تراقبى تصرفاته لما بيتحط ادامك فى موقف يتطلب الحسم والايجابية وواضح من كلامك انك شخصية لديها القدرة على التميز بين الطيبة وضعف الشخصية

**تانى حاجة بقترحها عليكى انك متتسرعيش وتحكمى على الموضوع من بره يعنى لو اتخطبطوا هيكون ادامك فرصة تعرفيه اكتر وياريت تطول فترة الخطوبة شوية لغاية ما تتأكدى انه ده الشخص المناسب ليكى لكن لو اتسرعتى وخرجتى من الموضوع دلوقتى هتقعدى تندمى وتقولى فى عقلك انه جايز كان انسان كويس وانا ضيعته من ايدى وخلى التجربه هى اللى تحدد موقفك

**واخر حاجة عايزة اقولها ليكى ان كلنا فينا حاجات ممكن تتصلح وحاجات تانية لا يمكن تتصلح بمعنى انك لايمكن تقدرى تغيرى شخص بالكامل ولكن ممكن تغيرى فيه حاجات بسيطة وصدقينى الافضل لو عايز تغيرى فى الشخص ده حاجة غيرها فى الخطوبة قبل الجواز
وصدقينى لو عايزة ترتاحى اسألنى نفسك فى الاخر خالص انت عايزة ايه ومتنسيش تبقى تطمنينى عليكى فى اقرب وقت يا قمر

كل لما اقابله او اكلمه فى التليفون بضعف من كلامه وابقه نفسى استسلم له.....

)

اناعايزة اخد رايك فى موضوع حساس جدااااا وعلشان كده مش قادرة اقوله لاى حد والموضوع انى ارتبطت عاطفيا لمدة سنة بزميلى فى الجامعة وبعد ما خلصنا اتخطبنا رسمى ولكن المشكلة انه لسه ادامنا سنتين ونتجوز وطبعا زى اى اتنين بيحبوا بعض بداناا نحلم سوا باليوم الى هنتجوز فيه ولكن الحلم تتطور بينا وبدانا نتكلم هنعمل ايه ليلة زفافنا وطبعا الشيطان جرجرنا بالتدريج للحديث فى الموضوع ده بدل المرة عشرة رغم اتفاقنا فى كل مرة ان ديه هتكون المكالمة الاخيرة اللى هنتكلم فيها عن المسائل الحساسة ديه ولانى بعد كل مكالمة كنت بحس بالقرف من نفسى ولكن للاسف اتكرر الموضوع الى ان اصبح عادة شبه يومية واتطور بينا لحد مابقينا نتكلم عنه فى كل خروجاتنا والموضوع ده بقاله شهرين ونصف تقريبا واحنا فعلا مش قادرين نبطل كلام فى الموضوع رغم شعورنا بالذنب وان اللى بنعمله ده حرام وعيب لكن صدقينى انا بدات اخاف ان الموضوع يتطور ويبقى اكنر من كلام لانى فى كل مرة بقابله اوحتى اكلمه فى التيلفون واسمع كلامه ده بضعف وابقى نفسى استسلم له بس ربنا بيستر...............
توتة

السلام عليكم ورحمة الله وبركاته
ازيك ياتوتة واضح انك وخطيبك للاسف الشيطان ورطكوا فى الموضوع ده وواضح كمان ان معدنكم كويس وألا ليه ضميركم هيعذبكم وليه هتبعتيلى الاميل ده الا لوكنتى عايزة تتخلصى من الذنب ده وبجد لازم تحمدى ربنا انه بيستورها معاكوا ومش عايزكم ترتكبوا كبيرة من الكبائر
المهم بصى ياتوتة طبعا مينفعش اقولك انتى لازم تسيبوا بعض انتى وخطيبك لان حرام عليه اموت قصة حبكم ولانى اعتقد ان الحل ده مستحيل بالنسبة ليكى والا كنتى عملتيه من زمان وعلسان كده انا هقولك مجموعة حلول عمليه ان شاء الله هتجيب نتيجة كويسة:

(1)انكوا تحولو الحرام لحلال وتقنعوا اهلكم انه يتم كتب كتابكم وساعتها هتتكلموا على راحتكم لان ربنا حلل ده فى فترة كتب الكتاب علشان العروسين يقربوا من بعض اكتر قبل يوم الزفاف وبكده هتكون المشكلة اتحلت

(2)لكن لولم يتم كتب الكتاب لاى سبب ففى الحالة ديه لازم تعملى اللى هقولك عليه ده بالترتيب:
-تدخلى اوضتك وتقفليها على نفسك وتجلسى وتغلقى عيناكى وتتخيلى ايه هيكون شعورك لو فى مرة والدك سمعك وانتى بتتكلمى فى التيلفون الكلام ده او اى حد من اهلك لان ده وارد ومش مستحيل ....وبعدها تبدأى تفكرى ياترى بعد ماتروح حلاوة الكلام ده ويتطور الموضوع اكتر هيكون شكلى ايه ادام ربنا وادام نفسى ده غير ان مؤكد ان خطيبك راجل شرقى وانه لايمكن هينسى ابداا ابداا اللى حصل وساعتها ماتستبعديش ابدا انه ينسى كل وعوده ليكى سواء بالحب او الجواز ويبدأ يتلكك لك على كل صغيرة وكبيرة
و لواتجوزتوا ماتضمنيش انه مش هيشك فيكى طول الوقت ..وصدقينى ياتوتة انا مش بعقدك انا بحاول افكر معاكى بصوت عالى فى حاجات بتمنى انها متحصلكيش ابداا ابداا

(3)ودلوقتى نيجى للخطوة التانية وهى انك بعد ماتقرى الكلام ده وتعملى الخطوة السابقة تذهبى وتصلى ركعتين قضاء حاجة وتدعى فيهم ربنا انه يخلصلك من المشكلة ديه وبعدها على طول تروحى وتكلمى خطيبك فى التيلفون وتقولى له انه لازم نبطل كلام فى المواضيع الحساسة ديه وانك بتحبيه وعايزاه يأكد لك حبه بتنفيذه لطلبك ده...وساعتها هيحصل انك طبعا هتكبرى جدا فى نظره وهيعرف ويتأكد ان الحصل ده مجرد غلطة وانه ده مش طابعك وبعدها عمره ماهيفكر يشك فيكى ابدا لانك انتى اللى خدتىالخطوة الاولى علشان توقفوا الغلط وياريت ياتوتة تكثرى من الدعاء علشان ربنا يعينك على الفتنة ديه...وارجوكى ماتزعليش منى لو كنت قاسية معاكى شوية ومتنسيش تبعتى لى تقولى على اللى حصل.
ياريت ياجماعة كلنا نعلق على الموضوع ونساعد توتة برأينا

صدقينى كل مشكلة وليها حل




السلام عليكم والرحمة انا عمرى 20 سنة احاول ان اشكو لكى من مشكلة لدى انا كنت خام جدا فى امور الزواج وكده ومن كتر مابدخل على الشات وبتكلم مع الشباب صار عندى مشكلة اكبر انى بعمل العادة يوميا واكتر من مرة فى اليوم ياريت الاقى الحل عندك لانى بعانى فعلا لما بعملها بندم اوى وديمااقول معتش هعملها بس بضعف ياريت تقولى الحل وازاى اتوب لربنا
وعليكم السلام
اولا انا جبت لك وضوع عن الاضرار الصحية لممارسة هذه العادة السيئة ثانيا واضح من كلامك انك متضايقة جدا جدا من اللى بتعمليه وواضح كمان انك حاسة بالذنب وتأنيب الضمير وصدقينى ان ده نصف حل مشكلتك
ثانيا انا هساعدك بشوية نصايح لو نفذتيها انشاء الله هتتخلصى من هذه العادة السيئة فى اسرع وقت وهى كالتالى
-اولا لازم تغيرى روتين حياتك اليومى وتعملى نظام يومى مختلف لان زى ما انتى عارفة انها مجرد عادة سيئة لو لاحظتى وافتكرتى هتلاقى انك بتمارسيها فى نفس الوقت كل يوم يعنى لوانتى متعودة تصحى تفطرى وتقعودى على النت وبعد كده تمارسيها غيرى يومك خالص وابدئى يومك بالفطار ثم اقعدى اتكلمى مع حد من اخواتك فى البيت اوواحدة من صحباتك فى التيلفون او اقرى مجلة اوكتاب وبعدها اتفرجى مثلا على التلفزيون لحد معياد الغذاء وبعدها اخرجى مع صحباتك المهم انك تغيرى نظام حياتك تماما وتشغلى نفسك طول اليوم بحاجات تكونى بتحبيها و ساعتها مش هتلاقى وقت علشان تفكرى فى حاجة تدفعك لممارسة هذه العادة السيئة

-كل ماتحسى انك عايزة تمارسى العادة السيئة ديه روحى بسرعة واقعدى مع اى حد فى البيت لان ده هيعطل تفكيرك فيها لان الوحدة هى الغذاء الرئيسى للعاده السيئة ديه كمان لومالقتيش حد فى البيت اخرجى مع حد من صحباتك الهم متقعديش لوحدك

-حاولى تروحى للجيم لممارسة الرياضة لان ده هيحسن جدا من حالتك النفسية وهيخليكى ماتفكريش فى هذه العادة لان الرياضة بتساعد على التخلص من الطا قة الزايدة اللى فى الجسم

-واخيرا اول ماتيجى العادة فى تفكيرك استغفيرى الله عشر مرات وياريت بعد ماتخلصى قراية الموضوع تدخلى وتصلى ركعتين قضاء حاجة لله وتطلبى من ربنا انه يساعدك فى التخلص ن هذه العاده وافتكرى دايما ان ربنا بيفرح بعباده اللى بيلجأوا له ويستغيثوا به سبحانه وتعالى

ممارسة العادة السرية للبنات و غشاء البكاره

العادة السرية عند البنات والمشكلات التى تنتج عنها
العادة السرية للبنت و غشاء البكارة 
وهناك أبحاث كثيرة تحاول إثبات أو نفي علاقة ممارسة العادة السرية عند الإناث بسلامة الغشاء، والآراء والنتائج متضاربة، وسبب التضارب أن هتك الغشاء يكون مصحوبا ببعض الألم والصعوبة في الإدخال، ولا يمكن أن يحدث هذا طبقا لمن يرفضون العلاقة بين العادة والهتك إلا بصدمة قوية ومتعمدة بجسم حاد أو صلب أو بالإصبع، ومن الصعب أن يحدث هذا عرضا دون قصد، أو دون أن تشعر الفتاة بأنه قد حدث.

ولكن هناك اضرار واضحة ومعروفة للعادة السرية للبنات
تودى العادة السرية الى حدوث التهابات تناسلية - مهبلية - حوضية – رحمية.
كما تسبب حدوث الالتهابات البولية مما قد تؤدي إلى فشل كلوي.
من اسباب حدوث العدوى الفطرية أو البكتيرية أو الفيروسية في المهبل هى العادة السرية التى تمارسها بعض البنات وقد تمتد الالتهابات لقناتي فاولب مما قد يؤدي إلى انسداد الأبواق مما قد يؤدي للعقم بعد الزواج.

وكما سبق وذكرنا انه من الممكن ان تفقد الفتاه غشائها إذا مارثتها بطريقة خاطئة .
وبعض الحالات ترتبط ممارسة العادة بالبنت بعد الزواج وهنا قد تؤدي للبرود بعد الزواج إذا ما أدمنتها الفتاة
قد تؤدي لمضعفات نفسية والعصبية مثل شعور الفتيات بالحقارة والقذارة والإحساس بالنقص وانعدام الثقة بالنفس والانطواء الخجل الخوف من الزواج بسبب مخاوف فقدان الغشاء .
سر لجوء الفتيات لهذه العادة بسبب الإثارة وعدم التحكم فيها ويكون التخلص من ذلك بالبعد عن مشاهدة المشاهد المثيرة والحرص على الصلاة و التقرب من الله
لأى سؤال او معلومة عايزة تعرفيها بخصوص الموضوع اتركى سؤالك فى تعليق واحنا هيسعدنا الاجابة عليكى بأقصى سرعة موقع عالم ستات وبنات

اصحابى كلهم يااتخطبو ياأما اتجوزوا وانا لسه اقعده حطه ايدى على خدى مستنية ابن الحلال



-->انا اسمى سارة عندى 25 سنة وعايشة فى مصرو عندى مشكلة خانقانى ومش لاقيه لها اى حل ومش عارفة انام من كتر التفكير فيها ومشكلتى هى انى بعد ما خلصت الجامعة كنت متوقعة انى زى كل البنات هيتقدم لى ابن الحلال اللى هيجى ويخطفنى على حصانه الوردى ونعيش سوا فى تبات ونبات ونخلف صبيان وبنات لكن وبعد مرور الوقت بدأت احس ابن الحلال عمره ماهيجى ويدق بابى واللى تاعبنى أكتر انى بدأت احس انى ممكن أبقى عانس خصوصا ان اصحابى كلهم يااتخطبو ياأما اتجوزوا وانا لسه اقعده حطه ايدى على خدى مستنية ابن الحلال وطبعا انا مبحقدش عليهم لكن من العدل انى اقول واسمع كلة بحبك زى كل البنى ادمين اللى خلقهم ربنا ...
وياريت تردى عليا بسرعة جزاك الله خيرا وأكرمك

السلام عليكم ورحمة الله وبركاته
بصى ياسارة انا عارفة احساسك دلوقتى وعارفة اد ايه انتى متضايقة وعلشان كده انا هقولك على خطة متجربة ونجحت مع بنات كتير بس المهم انك تنفذى كل اللى خطواتها وهى
اولا :لازم تغيرى أستايل لبسك بأستايل يكون اكتر انوثة وروشنة يعنى مثلا ممكن تركزى فى لبسك على الالوان الفاتحة وياريت تهتمى اكتر بالاكسسوارات لان ده هيخلى الملابس احلى وشكلك اجمل وياريت تبعدى تماما عن معظم ملابسك القديمة لان مع تجديدك فى الملابس ستتجدد نفسيتك وستلاحظين الفرق ولو عايزة مساعدة فى اختيار الملابس المناسبة ليى هتلاقى معلومات ونصايح تير اوى على المدونة هتساعك وهتوفرعليكى الجهد والوقت
ثانيا : توقفى تماما عن التفكير فى مشكلتك ده لان الواحد اما بيعوز حاجة اوى بتبعد عنه واول مابيسبها بتجرى عليه... وابدئى دورى على شغل او اشتركى فى نادى اوحتى روحى خدى كورسات انجليزى او كمبيوتر المهم انك تبدأى تخرجى من البيت لهدف معين وبصورة منتظمة وده هيخليكى تتعرفى على ناس جداد أكتر ممكن يكون ابن الحلا ل من ضمنهم لان احنا بقينا فى زمن لازم البنت والولد علشان يرتبطوا لازم يكونوا يعرفوا بعض واتكلموا سوا
ثالثا : حاولى انك تقربى اكتر من عائلتك ومن قرايبك وحاولى انك تزوريهم باستمرار لانه ممكن يكون ابن الحلال وحصانه الوردى اودامك بس مكنش لاقى الفرصة انه يقرب منك ويعرفك عن قرب
رابعا : احذرى كل الحذرمن الشباب اللى بيستغلو البنات ويوهموهم بالحب والجواز ودول غالبا مابيكونوا من هواة التعرف والحب على النت واعرفى دايما ان البنت هى اللى بتغلى اغو ترخص نفسها مش حد تانى
خامسا : وديه اهم خطوة أكثرى من الاستغفار لان الاستغفار من الامور السحرية فى تفريج الهم وتحقيق الامنيات واكثرى من الدعاء الاتى فهو مجرب من الكثيرات ..(اللهم اتنا فى الدنيا حسنة وفى الاخرة حسنة وقنا عذاب النار) فحسنة الدنيا هى الزوج الصالح
وانا اضمن لك باذن الله انك لو نفذتى الخطة ديه هتبعتيلى اميل تانى تشكى لى من حب خطيبك الزائد ليكى
-----

جوزى خانى بدل المرة عشرة..ومش عارفة اعمل ايه



مشكلتى باختصار هى انى فى يوم رجعت بيتى بعد يومين اعدتهم عند امى وبدات امارس حياتى عادى لحد ماتانى يوم رن الجرس ولقيت لمياء جارتى عمالة تلف وتدور عايز تقولى حاجة وبالفعل ظنى طلع فى محله ولقيتها بتقولى انها شافت جوزى وانا عند ماما طالع البيت ومعاه وحده شكلها مشبوه والاغرب انها باتت معاه فى شقتى لحد الصبح وطبعا انا اول ماسمعت اتصدمت ورغم انى مااستبعدش انى ده يكون حصل من ياسرجوزى الا انى اواحتها وكدبتها علشان ماازودش الفضيحة وقررت انى اتطلق منه بس ساعتها افتكرت ان كتير حاولت اسيبه بدل المرة عشرة وفى كل مرة كنت بصمم انى اتطلق منه ومرجعلوش تانى كان بيسبنى اهدى يومين ويجلى عند ماما وهوشايل و محمل الورد والهدايا ده غيردموع الندم اللى بتنزل مع كل كلمة اعتذار وقسم انه لايمكن يعمل كده تانى وطبعا لانى بحبه بصدقه وبحاول اقنع نفسى انها اخر مرة وعلشان كده المرة ديه تمالكت اعصابى

وخبيت عنه انى عرفت اللى عمله لحد ما اصل لحل المشلة ديه وعشان كده بعتلك الاميل ده يمكن تقدرى تساعدينى فى المشكلة اللى عندى اللىممكن يكون فى ناس سمعوا عنها كتير اوشافوها فى الافلام لكن صدقونى الى يسمع غير اللى يشوف واللى يدوق مرارة الخيانة لا يمكن ينساها ابدا ابد

السلام عليكم ورحمة الله

عندك حق الخيانة فعلا لا يمكن الواحد ينساها ابدا مهما عدى الوقت كذلك الحب علشان كده انتى بتتعذبى اوى لانك مش قادرة ولا تنسى خيانة جوزك ليكى ولا قادرة تشيلى حبه من قلبك بجد الله يكون فى عونك لكن تعالى نقول انه هو كمان اكيد بيحبك والا ماكنش جالك فى كل مرة واتذللك علشان تسمحيه وده معناه ان الحل الوحيد اللى هينفع معاه هواستخدام كيد النسا كالتالى:

(1) تعملى عبيطة خالص ومتقوليش ليه حاجة من اللى عرفتيه من جارتك لانك لو قولتى له اكيد هينكر ويقوقلك دى كدابة وعايزة توقع بينا وفى الحالة ديه يااما هتحصل بينكم مشكلة وتروحى عند مامتك ويحصل زى كل مرة او هتضطرى تصدقيه وينتهى بيكى الامر انك تعتذرى له عن شكك فيه

(2) تبدئى تغيرى اسلوب حياتك معاه تماما يعنى تبدئ تدلعى عليه وتعامليه برقة وانوثة ولازم قبل ده كله تغيرى من شكلك يعنى ممكن تصبغى شعرك او تقصيه بشكل جديد وياريت لو نتى مليانة شويه تعملى دايت وممكن كمان تلبسى له عدسات ملونة كنوع من التجديد وكمان لازم تحولى تغيرى فى ترتيب ديكورات البيت لان ده هيكسر الملل ويضيف لمسة من التجديد على حياتكم

(3)ضرورى جدااا انك تغيرى استايل لبسك فى البيت وياريت لو تلبسى له ملابس شبه مطربات لبنان لان الاستايل ده غالبا بيعجب كل الرجالة ولاحظى ان التغير باستمرار فى شكلك ولبسك هوالحل الاكيد مع جوزك لانه من الواضح انه من الشخصيات الملولة واللى بتحب التغير باستمرار وده اللى كان بيخليه يبص بره

(4)فاجئيه فى كل وقت يعنى ممكن فى عيدميلاده تعمليلو حفلة كبيرة تعزمى فيها كل اصحابه وتقدمى لى هدية تون رومانسية جداا ادامهم مع كام كلمة تعبرى فيها عن حبك له وده طبعا هيرضى غروره جداا وهيخليه يتسف من نفسه لما يبص لواحدة تانية وبالتدريج مش هيشوف حد تانى غيرك ادامه كمان

(5)حاولى تشغليه دايما بيكى بس من غير ماتتخنوقيه يعنى ممكن تكلميه على الموبايل وتقولى له ان خارجه مع واحدة صاحبتك وياريت بعدها تقفلى الموبايل 3او4 ساعات ولما يسائلك تقولى له ان الشحن قطع وتكررى المسألة ديه مرة كمان وساعتها هيتجنن ومش هيبطل تفكير فى الحصل ..و ابدئى اهتمى بلبسك جداا جداا فى الشارع الامر اللى هيزود غيرته عليكى وبالتالى هيزود تفكيره فيكى .....بس خلى بالك اوى لانك كده بتلعبى بالنار

(6)وممكن تعملى بنصيحة قديمة وهى انكوا تخلفوا بيبى وساعتها ده هيخليه يفكرالف مرة قبل مايخونك لانه فى الحالة ديه هيكون بيغامر باستقرار الاسرة وبالتالى بعده عنك وعن البيبى هيكون خطر دائم عليه ولكن اوعى تكترى فى الاطفال لان ده ممكن يخليه يطفش من البيت وميرجعش ابداا وكمان مهم جدا ان اهتمامك بيه مايتاثرش .

(7) اما اهم حاجة لازم تعميلها هى التجديد فى العلاقة الزوجية بينكم بمعنى تغير الوقت وتغير المكان اللى بتم فيه العلاقة بينكم وكمان تغير الوضع وصدقثينى انك لوعملتى كده مع الاشياء السابقة هتلحظى الفرق اسرع مما تتخيلى

.وربنا يوفقك وتقدرى تعالجيه من المرض ده وياريت تبعتى لى اميل تقولى فيه على اللى هيحصل ان شاء الله

صدقينى كل مشكلة وليها حل


السلام عليكم والرحمة انا عمرى 20 سنة احاول ان اشكو لكى من مشكلة لدى انا كنت خام جدا فى امور الزواج وكده ومن كتر مابدخل على الشات وبتكلم مع الشباب صار عندى مشكلة اكبر انى بعمل العادة يوميا واكتر من مرة فى اليوم ياريت الاقى الحل عندك لانى بعانى فعلا لما بعملها بندم اوى وديمااقول معتش هعملها بس بضعف ياريت تقولى الحل وازاى اتوب لربنا
وعليكم السلام
اولا انا جبت لك وضوع عن الاضرار الصحية لممارسة هذه العادة السيئة ثانيا واضح من كلامك انك متضايقة جدا جدا من اللى بتعمليه وواضح كمان انك حاسة بالذنب وتأنيب الضمير وصدقينى ان ده نصف حل مشكلتك
ثانيا انا هساعدك بشوية نصايح لو نفذتيها انشاء الله هتتخلصى من هذه العادة السيئة فى اسرع وقت وهى كالتالى
-اولا لازم تغيرى روتين حياتك اليومى وتعملى نظام يومى مختلف لان زى ما انتى عارفة انها مجرد عادة سيئة لو لاحظتى وافتكرتى هتلاقى انك بتمارسيها فى نفس الوقت كل يوم يعنى لوانتى متعودة تصحى تفطرى وتقعودى على النت وبعد كده تمارسيها غيرى يومك خالص وابدئى يومك بالفطار ثم اقعدى اتكلمى مع حد من اخواتك فى البيت اوواحدة من صحباتك فى التيلفون او اقرى مجلة اوكتاب وبعدها اتفرجى مثلا على التلفزيون لحد معياد الغذاء وبعدها اخرجى مع صحباتك المهم انك تغيرى نظام حياتك تماما وتشغلى نفسك طول اليوم بحاجات تكونى بتحبيها و ساعتها مش هتلاقى وقت علشان تفكرى فى حاجة تدفعك لممارسة هذه العادة السيئة

-كل ماتحسى انك عايزة تمارسى العادة السيئة ديه روحى بسرعة واقعدى مع اى حد فى البيت لان ده هيعطل تفكيرك فيها لان الوحدة هى الغذاء الرئيسى للعاده السيئة ديه كمان لومالقتيش حد فى البيت اخرجى مع حد من صحباتك الهم متقعديش لوحدك

-حاولى تروحى للجيم لممارسة الرياضة لان ده هيحسن جدا من حالتك النفسية وهيخليكى ماتفكريش فى هذه العادة لان الرياضة بتساعد على التخلص من الطا قة الزايدة اللى فى الجسم

-واخيرا اول ماتيجى العادة فى تفكيرك استغفيرى الله عشر مرات وياريت بعد ماتخلصى قراية الموضوع تدخلى وتصلى ركعتين قضاء حاجة لله وتطلبى من ربنا انه يساعدك فى التخلص ن هذه العاده وافتكرى دايما ان ربنا بيفرح بعباده اللى بيلجأوا له ويستغيثوا به سبحانه وتعالى

حتى لا تقع اى بنت من البنات وخاصة السعوديات فى مصيبة كمصيبتى هذه ...


انا سعودية واسمى" زينب" وى واقعة فى مشكلة كبيرة جدا اعانى منها منذ خمسة اشهر هى مدة زواجى بابن عمى بسبب اهانته المستمرة لى وضربه لي دائما بسبب وبدون سبب لمعرفته وثقته انه لا توجد كلمة طلاق فى عائلتنا الامر الذى يجعله يتمادى فى ذله وتعذيبه لى بل والاكثر انى اشك فى وجود علاقة بينه وبين الخادمة وعندما صرحت له بهذا الشك انتهى الامر بعلقة جعلتنى ارقد فى الفراش لمدة اسبوع ورغم ذلك كله صبرت عليه واحتسبت اجر صبرى عند الله ولكن المصيبة انه يريد ان يتزوج بزوجة ثانية بحجة عدم انجابنا اطفال رغم انى ذهبت الى الطبيبة مع امى واكدت قدرتى على الانجاب الامر الذى يجعلنى متاكدة انه يقول ذلك كحجة امام عاتلتنا حتى لا يعترض احد على زواجه ....ولانى مش لاقية حد اقدر افضفض معاه ويساعدنى قررت ارسل لك الاميل ده لعل الله يجعلك سبب فى حل مصيبتى هذه وحتى لا تقع اى بنت من البنات وخاصة السعوديات فى مصيبة كمصيبتى هذه ....وارجو منك الردعلى بأقصى سرعة
اولا السلام عليكم يازينب
بجد الله يكون فى عونك ويجعل كل هذا العذاب اللى اتعذبتيه مع هذا الزوج فى ميزان حسناتك وصدقينى لو قلت لك انى تألمت بشدة مع قراة سطور رسالتك هذه الامر الذى جعلنى احاول الوصول معك الى حلول نهائية واكيدة لمشكلتك ولقيت ان مافيش ادامك غير التالى
(1)انك تكثرى من الدعاء والاستغفار لعل الله يهديه ثم تحاولى ان تتكلمى مع زوجك وتذكيره ان مايفعله معك ليس من الاسلام وان عقابه كبير جدا فى الدنيا والاخرة وانه المفروض يحافظ عليكى وعلى كرامتك لانك زوجته وابنة عمه ايضا ولاكن يجب ان تقولى له هذا بأسلوب هادى ورقيق حتى لا ياخذ كلام على اعصابه ويبدا فى اهانتك

(2)واذا لم ياتى كلامك معه بنتيجة فيجب عليكى اخبار اهلك بكل مايفعله معك من اهانات الامر الذى لن يرضى عنه اهلك ابدا وسيجعلهم يقفون امامه حتى لا تتكرر اهانته لكى بل ويجب ان يتعهد امامهم بالا يكرر ذلك مرة اخرى

(3)ولكن اذا استمرت افعاله السيئة معكى فأنا مضطرة انى انصحك بالطلاق منه وانقاذ حياتك من كل هذا الذل والعذاب وصدقينى غذاب فى مواجهة اهلك بطلب الطلاق اهون الف مرة من عذابك مع هذا الزوج لبقية حياتك ولكن يجب عليكى قبل اتخاذ هذا القرار ان تصلى صلاة استخارة حتى تاخذى القرار الصحيح بدون اى شك اوندم....... واتمنى ان تحل ازمتك هذه فى اقرب وقت باذن الله تعالى

(ياريت كلنا ياجماعة نحاول نساعد زينب بالتعليقات )

مشكلة بنت جميلة اسمها مريم


السلام عليكم انا بنت عمري18 ومخطووبة و اعاني من السلس البولي والامساك
والتي تصدرلي اصوات محرجة ارجوك الحل وكمان روائح كريهة بالمنطقة الحساسة
والجسم كلوووووووووووووووووووووووووووو ارجووووووووووووك ساعديني


وعليكم السلام ورحمة الله وبركاته
بصى يامريم انا هبدا معاك من الاخر للأول
اولا بالنسبة لرائحة الجسم الكريهة فحلها بسيط جدا بعد استخدامك للوصفة التالية والتى ستجعل جسم غاية فى النعومة وستجعل رائحتك اجمل مما تتخيلى
المكونات: بخور عود _ كريم عديم الرائحة _ دهن عود _ عطرك المفضل

الخطوات تسوينها بعد الاستحمام:
*ضعي قليل من الكريم مع 3قطرات من دهن العود+قليل من العطر وامسحي بها الجسم.

*بخري الجسم وهو رطب حتى تثبت الرائحة.
ملحوظة يجب قبل استخدامها ان تقومى بنزع الشعر من جسمك كله باستخدام السويت لان عدم ازالة شعر الجسم بتؤدى الى تراكم البكتيريا على الجسم والتىتسبب الرائحة الكريهة وخصوصا فى المناطق الحساسة من الجسم

اما بالنسبة للامساك فديه مجموعة من النصايح هتسعدك فى علاجه
-اكثرى من شرب المياه والسوائل والعصاير الطبيعية خصوصا عصير البرتقال
-ابعدى عن تناول الاغذية الموجود بها ردة زى العيش لانها بتزود الامساك
-احرصى على تناول كوب لبن كل يوم على الريق وتناولى كوب زبادى قبل النوم لتحسين حركة الامعاء
-عند شعورك بالامساك قومى بعمل حركات دائرية باصابعك فى اتجاه عقارب الساعة حول منطقة السرة مما سيساعد فى تحسين وظيفة الامعاء وبالتالى علاج الامساك

اما بالنسبة لسلس البول فانا جبت لك موضوع حلوجدااا هيساعدك فى علاجه هتلاقيه موجود فى قسم (طب وصحة) ولكنى افضل ان تستشيرى طبيب لانه بالتاكيد هيفيدك اكتر

القضاء على الملل فى العلاقه بين الزوج وزوجته د. هبة قطب أستاذة الصحة الزوجية


- كيف نمنع الملل بين الزوجين اثناء العلاقة الزوجية، ونحافظ على الاستمتاع الدائم بها؟
- وهل يجب في كل مرة أن يستمتع الزوجان بها ويرضيان عنها؟ وشكرا جزيلا.
يمكن منع الملل بين الزوجين بسهولة شديدة باتباع التالي:
- على كل طرف أن يتحرى رضا الطرف الآخر عن طبيعة العلاقة وتفاصيلها، فأول خطوة نحو الملل هو عدم الرضا...
- يجب رفع جميع أحجبة الخجل بين الزوجين فيما يتعلق بعلاقتهما الزوجية على وجه الخصوص، فليس هذا موضع الحياء، بل هو موضع سعادة وإشباع للطرفين.
- من أهم النصائح التي تفيد استمرارية السعادة في العلاقة محاولة التغيير المستمر في الأركان الثلاثة التي تشكل ركائز العلاقة وهي:
المكان: أي المكان الموجود فيه الزوجان.
الزمان: أي أنه ليس شرطاً التمسك بأن تكون العلاقة ليلاً فقط، أو في وقت محدد سلفاً وتتكرر في نفس الوقت دائماً.
الكيفية: وهي خطوات القيام بالعلاقة من مقدمات إلى تطورات إلى أوضاع إلى كل هذه التفاصيل..
فإذا قمنا ببعض التباديل والتوافيق دائماً (إذا جاز التعبير) مع الحرص على تحري كل من الطرفين رأي الآخر ومقترحاته ورضاه عن العلاقة، سيكون ذلك بمثابة الصيانة الدائمة التي تحفظ لهذه العلاقة جودتها وصلابتها طوال الوقت.
أما عن استفسارك الثاني فقبل أن أجيبك يا سيدي دعني أتحفظ أولا فقط على كلمة "يجب"، ففيما يتعلق بهذه العلاقة، ليس من المفضل أن نستخدم التعبيرات التي توحي بالقهر أو الإجبار، ولنكن أكثر تحديداً فنقول إنه من المفضل أن يصل الزوجان لمرحلة الرضا في كل لقاء، أو بالأحرى كلما سنحت الظروف من حيث الوقت المتاح والحالة المزاجية ودرجة الرضا، وأيضاً الحالة النفسية والجسدية...
أقول ذلك لأنني أعتقد أن ذلك أحياناً ما يكون مثاراً للمشاكل بينك وبين زوجتك في صورة أنني كثيراً ما أرى في زواري في عيادتي حالات مشابهة من شكاوى زوجات من أزواج لا يحرصون على وصول زوجاتهم لمرحلة الرضا والإشباع الجسدى فتبدأ هنا مرحلة أخرى من تبادل الاتهامات بالأنانية والبرود وعدم الاهتمام بالآخر و... و....
هذا لأن الرجل يصل إلى درجة الإشباع لا محالة، ولكني دائماً ما أنصح أن يكون غلاف العلاقة الراقية النفسية المركبة، وهي العلاقة الزوجية..
تلخيصاً لكل ذلك فإني أنصحك يا سيدي أن تحرص على وصول زوجتك لمرحلة الإشباع قدر ما تستطيع ذلك فهذا يثري العلاقة النفسية فضلاً عن الكم الكبير من استمتاع كليكما بالعلاقة

حاجات لازم تعرفها كل بنت قبل الزواج


من فضل الله تعالى وتكريمه لبني آدم أن شرع لهم الزواج وجعله من نعمه سبحانه على عباده {وَلَقَدْ أَرْسَلْنَا رُسُلاً مِنْ قَبْلِكَ وَجَعَلْنَا لَهُمْ أَزْوَاجاً وَذُرِّيَّة}[الرعد:38]، فذكر ذلك في معرض الامتنان، وإظهار فضله سبحانه عليهم... وقد رغَّب الإسلام في الزواج وحثّ عليه فعدَّه آية من آياته سبحانه:{وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآياتٍ لِقَوْمٍ يَتَفَكَّرُونَ} (الروم:21).

على عتبة الزواج

1 - اختيار الزوج المسلم الصالح، فقد حضَّ الإسلام على حسن اختيار الزوج من ذوي الأخلاق والصلاح والدين والعفة...قال تعالى: { إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ}[الحجرات:13]، وقال سبحانه {وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ}(النور:32) ،(1) فلا تغترّي بالمال أو بالجاه أو غيرهما واحرصي أولاً على الاستقامة في الدين و حسن الخلق لقوله صلى الله عليه وسلم: "إذا أتاكم من ترضون خلقه ودينه فزوجوه، إلاّ تفعلوا تكن فتنة في الأرض وفساد كبير" [الترمذي]
2 - إياك أن تتزوجي من الزاني، قال تعالى: {الزَّانِي لا يَنْكِحُ إِلَّا زَانِيَةً أَوْ مُشْرِكَةً وَالزَّانِيَةُ لا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ} (النور:3) قال الإمام ابن كثير: "أي حرم تعاطي الزنا والتزوج بالبغايا أو تزويج العفائف بالرجال الفجار".
3 - يستحسن أن يكون الزوج من الحريصين على تعلم العلم ومطالعة الكتب -ونحسبك كذلك- ليسهل التفاهم والتواصل بينكما ولتتعاونا على البر والتقوى والأمر بالمعروف والنهي عن المنكر.. (2) ولك في أمهات المؤمنين و نساء السلف الصالح أسوة حسنة.
4 - احذري أن يتم زواجك ممن لا يحل لك، سواء كان سبب التحريم القرابة أو الرضاع أو غيرهما. فتحري جيداً قبل فوات الأوان!!

مرحلة الخطبة

1 - بعض الفتيات يترددن كثيراً في أخذ قرار الزواج وحسم أمرهن فيطلبن من الخاطب مدة للتفكير، فتبدأ في وزن المفاسد والمصالح والإيجابيات والسلبيات، وهذا أمر مقبول إذا لم يتجاوز الحد المعقول فتطول المدة، وإن سُئلت أو استُعجلت، ردّت في دلال –مفرط- :" على الأخ أن يصبر لازلت أفكر..." وهذا تصرف غير لائق، خذي مهلة محددة وصل صلاة الاستخارة واقرئي الدعاء كما علّمنا رسول الله صلى الله عليه وسلم ، فما ندم من استخار الخالق وشاور المخلوقين المؤمنين ثم سَلِ الله التوفيق..
2 - أعدّي قائمة حول النقط التي ترغبين إثارتها أثناء لقائك مع الخطيب ورتّبيها.
3 - استعدي نفسياً لهذا اللقاء، لا تحضريه وبالُك مشغول بأمور أخرى، أو أنت مريضة، وتجنبي عقد اللقاء أثناء فترة الحيض إذا كان مزاجك مضطرباً ...
4 - من المستحب أن تنظري إلى خطيبك أثناء اللقاء. لكن احرصي على احترام الضوابط الشرعية، احذري الخلوة أو المصافحة، وحافظي على لباسك الشرعي.
5 - بعض العائلات تقيم حفلاً مختلاطاً يوم الخطبة، فيدخل الخاطب على مخطوبته وهي متزينة – وإن كانت تغظي رأسها – ليجلس إلى جانبها أو ليلبسها عقداً أو سواراً...وهذا غير جائز شرعاً لأنه لم يعقد عليها بعدُ. فاحترسي ولا تتساهلي !
6 - إياك و كثرة الخروج بعد اللقاء الأول أو كثرة الحديث مع الخطيب – ولو بالهاتف – قبل العقد، ذلك خشية الملل أو الانجراف وراء العواطف... لا تنسي، إن مما حبا الله به المرأة وكرمها به أن فاقت الرجل بالحياء ولذلك يُقال في شدة الحياء "أشد حياءً من العذراء في خدرها". وإنما يهتك ستر الحياء التوسع في الأمور على غير بصيرة. فتنبّهي !
7 - استحباب الفحص الطبي قبل الزواج وقاية واستدراكاً لما يمكن تدراكه.

من حقوقك قبل الزواج

1 - أن يستأذنك وليك ولك الحق في قبول الزوج أو رفضه، قال النبي صلى الله عليه وسلم: "لا تنكح الأيم حتى تستأمر، ولا تنكح البكر حتى تستأذن، قالوا: يا رسول الله! وكيف إذنها ؟ قال أن تسكت. فالولي مأمور من جهة الثيب، ومستأذن للبكر. لكن احذري من الاستسلام إلى العواطف الهوجاء واختاري الزوج الصالح المتحلي بالأخلاق الحسنة...
2 - جواز عرض الرجل مولّيته على أهل الخير والصلاح: اعلمي أن الرعيل الأول من أصحاب سيد المرسلين صلى الله عليه وسلم كانوا يجتهدون في تحري الصالحين لبناتهم أو أخواتهم، بكل صراحة في العرض وعدم تحرج في القبول أو الرفض. فلا تستنكري على وليك إن تصرف كذلك، ولا تظني أنه يعرضك لترويج بضاعة كاسدة !! حشا وكلا! فقد فعل ذلك عمر رضي الله عنه وغيره من السلف الصالح..
3 - لا يحق لوليك أن يمنعك من الزواج بحجة استكمال التعليم أو الحصول على الشهادة والوظيف، بل يمكن الجمع بين الأمرين إن أحببت وتيسّر لك ذلك. لا تنسي أن وظيفتك الأولى هي البيت والزوج ورعاية الأولاد(3).
4 - إياك أن تشترطي لزواجك بالرجل أن يطلّق امرأته – إن كان متزوجاً – قال النبي صلى الله عليه وسلم:"لا يحل لامرأة تسأل طلاق أختها، لتستفرِغ صحفتها، فإنما لها ما قُدِّر لها "[ البخاري ].

أركان الزواج الصحيح

1 - أولها الولي: عن أبي موسى عن النبي صلى الله عليه وسلم قال :"لا نكاح إلا بولي " [أبو داود]
2 - الشاهدان: لقوله صلى الله عليه وسلم: "لانكاح إلا بولي وشاهدي عدل" [ابن حبان]
3 - المهر: أوجبه الشرع الشريف على الزوج وجعله هدية تكريم للزوجة، قال تعالى: {وَآتُوا النِّسَاءَ صَدُقَاتِهِنَّ نِحْلَة}[النساء: 4]، إلا أنه حث على يُسره وخفته، قال رسول الله صلى الله عليه وسلم:"خير النكاح أيسره".. فاحذري المنافسة في مغالاة المهر.

حفلة الزفاف

1 - كوني حريصة على حفلة زفاف إسلامية خالية من المنكرات، واحذري الاختلاط غير المشروع بحجة أنه عائلي، و"النصة أو المنصة" صعود العريس مع العروس أمام النساء، والتعاقد مع المغنيات والمطربات أو وضع أشرطة الغناء عبر مكبرات الصوت و السهر في ليلة الزفاف حتى ساعات الفجر الأولى، والتصوير بالفيديو لمحذورات شرعية كثيرة...
2 - يجوز إعلان النكاح بدف وغناء مباح، لقوله صلى الله عليه وسلم: "فصل ما بين الحلال والحرام، الدف والصوت"[أصحاب السنن]
3 - احذري من العادات والتقاليد المنكرة، كدبلة أو دبلتي الخطوبة التي يضعها العريس في خنصر يد العروس اليسرى فإنها من عادة النصارى ولها أصل عقدي عندهم. كما يجب أن تحذري التغالي بملابس ليلة الزفاف أو التشبه بزي العروس الكافرة !

الدخلة

1 - اقرأي عن" فن" الحياة الزوجية الإسلامية - إن صح التعبير- لتكوني على بينة من أمرك. الكتب متعددة ومتيسرة، نقترح عليك كتاب :"لقاء الزوجين"، أو "تحفة العروس"
2 - لا تصغي إلى من يُهوّل لك أمر هذه الليلة من الصديقات أو غيرهن.
3 - إياك ومطالعة مجلات أو كتب الجنس الساقطة البعيدة عن الهدي الإسلامي.
4 - اسألي عمّا يشكل عليك مَنْ تثقين بها من قريباتك لترتاحي ولتُحْسِنى التصرف مع زوجك، واعلمي أن هذه الليلة من الأهمية بمكان لك ولزوجك.
5 - تزينى لزوجك وتطيبي وهيئي نفسك له، وإياك والنمص أو الوصل أو قص الشعر على طريقة الرجال، فكل ذلك منهي عنه شرعاً.
6 - من الأفضل أن تدخل أمك أو أم زوجك أو غيرهما معك مخدعك حتى تستأنسي وتزول وحشتك.
7 - صلّ ركعتين وراء زوجك. ففي هذه الصلاة ما يوحي لك ولزوجك أن الغاية من هذا الزواج الذي بدأ في هذه الليلة ليست المتعة فقط بل أداء واجب ديني أيضا وإنجاب أطفال يكثرون سواد المسلمين وينصرون الدين.
8 - نعم، إن الحياء من الإيمان، لكن لا تبالغي كي لا تُنفّري زوجك منك.
9 - اختاري ألفاظك وكوني رقيقة واحذري أن تجرحيه بكلمة أو تصرف يمس رجولته...
10 - احذري بعض العادات المخالفة للأعراف والدين كإثبات العذرية للناس...!! احسمي أمرك ولا تطاوعي الناس في ذلك الفعل المنكر.

افضل زيت للشعر تطويل وتكثيف خلطات زيوت لتطويل الشعر

فوائد زبدة الشيا طريقة استخدام زبدة الشيا الخام للوجه للشعر للجسم للتبييض