صبغ الشعر
صبغ الشعر بني
صبغة الشعر
طريقة صبغ الشعر
كيف صبغ الشعر
وفي المرحلة دي لازم تهتمي بشعرك جدا لمدة شهر على الأقل قبل ما تصبغيه

خاصة لو كان شعرك من النوع الضعيف أو اللي أطرافه مقصفة

لأن في الحالة دي هتبقي محتاجة تعملي حمامات زيت أو كريم لشعرك مرة كل أسبوع قبل ما تفكري في صبغ شعرك...

ولازم تستخدمي الشامبو والبلسم المناسبين لنوع شعرك

وياريت تكثري من استخدام البلسم على أطراف شعرك خاصة لو كانت الأطراف دي مقصفة.

وخدي بالك إنك تسيبي شعرك بدون غسيل أو استخدام أي نوع من أنواع الكريمات أو الزيوت لمدة يوم قبل الصبغ।
المرحلة التانية

اختيار اللون المناسب




عايزة أقول لك خدي بالك إنك مش لازم تعتمدي على الألوان الموضة في اختيار لون شعرك

لأنها ممكن تكون مش مناسبة لكِ

واعتمدي في اختيارك على الألوان المناسبة للون بشرتك ولون عينيك..


• لو كانت بشرتك بيضاء ولون عينيك أخضر أو أزرق
يبقى هتلاقي إن اللون الأشقر الرمادي والأشقر البني هما المناسبين لكِ وابعدي نهائيا عن الأشقر الذهبي المائل للاصفر.


• أما إذا كان لون بشرتك أبيض ولون عينيك عسليا
يبقى هتلاقي إن اللون المناسب لك هو الكستنائي الفاتح أو البني المائل للأشقر أو النحاسي.

• أما إذا كان لون بشرتك خمريا ولون عينيك عسليا
يبقى اللون المناسب هو درجة فاتحة من درجات النحاسي وكمان الأسود مناسب لك جدا.

• وإذا كانت بشرتك بيضاء ولون عينيك أسود
يبقى اللون المناسب هو البني بدرجاته.


• وإذا كانت بشرتك سمراء أو خمرية ولون عينيك بني غامق
يبقى اللون المناسب لك هو الأحمر الداكن أو الخوخي.



كمان خدي بالك

إن لو شعرك قصير يبقى لونيه كله بلون واحد أما إذا كان شعرك طويلا يبقى بلاش تلونيه كله بلون واحد
وكفاية قوي تفتحي بعض الخصلات المحيطة بالوجه لأن دي هتنور وشك وهتزيد جماله.



المرحلة الثالثة

اختبار الصبغة



ساعات بتختاري لون معين من الكتالوج بتاع الصبغة

ولما تيجي تعملي اللون ده تلاقيه مش مناسب أو تلاقي إن الدرجة دي مش هي نفس الدرجة اللي أنت عايزها...

وعلشان تتفادي المشكلة دي

ياريت تجربي تصبغي خصلة واحدة من شعرك وبعد كده شوفي إذا كان اللون ده هو اللون المطلوب ولا لأ.



المرحلة الرابعة

تجهيز أدوات الصبغة



بعد ما اخترتِ اللون المناسب هتبدئي تجهزي أدوات الصبغة وكل اللي هتحتاجيه:

1- علبة الصبغة باللون المناسب.
2- جوانتي بلاستيك علشان تحمي إيدك وأظافرك من التلون بلون الصبغة.
3-علبة فازلين ودي علشان تدهني بها حدود وشك وتدهني رقبتك كمان وده لحمايتهما من لون الصبغة.
4-ملابس قديمة علشان تلبسيها وأنت بتصبغي شعرك واوعي تنسي الفوطة الكبيرة علشان تحطيها على كتفك.
5-مشط بأسنان رفيعة.
6- مساكات للشعر.
7-فرشاة الصبغ.



المرحلة الخامسة

ازاي تستخدمي الصبغة على شعرك



دلوقت بقى يا قمر أهم مرحلة وهي إنك تبتدي تصبغي شعرك ..

تعالي نشوف ازاي...

1- حضري الصبغة زي ما بيكون مكتوب على العلبة بتاعتها من بره أو في النشرة الداخلية ليها.
2- قسمي شعرك إلى أربع مناطق من الأسفل إلى الأعلى وامسكي كل جزء بمساكات الشعر.
3- هات فرشاة الصبغة وحطيها في الصبغة وبعد كده ابدئي في توزيع الصبغة على شعرك من بداية نمو الشعر وياريت تبدئي بخصلات شعرك الخلفية.
4- بعد ما تدهني خصلة شعرك كويس بالصبغة هات المشط ومشطي الخصلة دي وبعد كده لميها بمساكات الشعر وكملي باقي شعرك بعد الانتهاء من الخلف اتجهي إلى المناطق اللي على جنب وبعد كده اتجهي إلى الأمام.
5- لو كان شعرك أبيض وعايزة تصبغيه باللون الأسود يبقى ابدئي من مكان وجود اللون الأبيض وعادة ما يكون من الأمام إلى الخلف.
6- خدي بالك وأنت بتوزعي الصبغة على شعرك إنك تحطي كمية كافية لكل شعرة وتصبغيه جزء بعد جزء ويكون التوزيع مساوي جدا وإلا شعرك هيطلع فيه أكثر من درجة من نفس اللون ومش هيكون كله لونه واحد.
7- بعد انتهاء الوقت المطلوب اللي بيكون مكتوب على العلبة بتاعة الصبغة اغسلي شعرك بمياه فاترة كويس أكثر من مرة لغاية ما تزول الصبغة من على شعرك وبعد كده اغسلي شعرك بالبلسم المخصوص للعناية بالشعر المصبوغ اللي عادة بيكون موجود في علبة الصبغة نفسها سيبي البلسم على شعرك لمدة خمس دقائق وبعد كده اشطفي شعرك بالمياه الفاترة وبعد كده الباردة.
8- خدي بالك إنك مش هتقدري تحكمي على لون الصبغة إلا بعد ما شعرك ينشفلأى سؤال او معلومة عايزة تعرفيها بخصوص الموضوع اتركى سؤالك فى تعليق واحنا هيسعدنا الاجابة عليكى بأقصى سرعة موقع عالم ستات وبنات

23 تعليقات

  1. صبغت شعري بالاسودقبل سنتين ولحد الان مااقدر اصبغ اشقر مايطلع معي الله يخليكي ساعديني

    ردحذف
  2. مشكورة حبيبتى على مرورك وعلى سؤالك المفيد بصى يا جميل فى حل سريع جدااا هيخلصك من اللون الاسود فى شعرك وهو سحب اللون الاسود من الشعر بس هو مكلف شوية لانك لازم تعمليه فى مركز تجميل كبير و يكون مشهور علشان تكون عنده المواد بتاعة سحب اللون الاسود من الشعر بس لو عايزةة حل بطئ شوية فعملى التى اولا احرصى على قص اطراف شعرك المصبوغة باللون الاسود تدريجيا كل 45 يوم وبعدها هتلاقى الشعر الجديد طلع واللى لونه هو اللون الطبيعى لشعرك فى الحالة دى طبعا مش هتقدرى تصبغيه كله لان لسه الشعر الاسود على الاطراف بس ممكن تعمل خصل شقراء فى القصة وعلى فكرة هى طلعة موضة اوى السنة دى
    واتمنى انى اكون قدرت افيدك

    ردحذف
  3. انا شعري اسود بس عوزه اصبغه اصفر اشتريت الصبغه ومش بيتلون اللون الاصفرليه؟

    والمفرود اعمل ايه؟

    ردحذف
  4. مشكورة يا جميل على تعليقك المفيد وبالنسبة لتلوين الشعر الاسود باللون الاصفر فهى مسألة سهلة وهى كالتالى
    فى الاول بتستخدمى بودرة تشقير لتفتيح لون شعرك بس يجب استخدام نوع يكون جيد ومش من الانواع الرخيصة وبعد ما هتفتحى لون شعرك ببودرة تفتيح الشعر تقدرى تصبغى شعرك باللون اللى انتى عايزاه بس لازم تخلى بالك انه لو كنتى عامله شعرك حنة قبل الصبغة بفترة قصيرة فالحنة هتخلى شعرك لا يستجيب لاى صبغة لان الحنة بتفضل على الشعر لمدة سنة كاملة بعدها ممكن تصبغى شعرك

    ردحذف
  5. صبغت شعري لون عسلي واريد اغيره الى الاشقر الزيتي من دون مايحترق او يتضرر كيف اسوي؟

    ردحذف
  6. بصى يا قمر صعب جداااا انك تصبغى شعرك مرتين ورا بعض من غير مايتضرر بس ممكن تستنى على الاقل 6 شهور وبعدها ممكن تعملى فى شعرك خصل باللون اللى انتى عايزاه وبكده الضرر هيكون اقل شوية

    ردحذف
  7. سلام حبيبيتي ممكن تساعديني كيف اتخلص من اللونالبرتقالي في شعر

    ردحذف
  8. وعليكم السلام يا جميل لو عايزة تتخلصى من اللون البرتقالى بشعرك فافضل حل هو عمل صبغة لشعرك لونها يكون بنى فاتح هتديكى لون حلو اوى وهتحسى ان شعرك لونه طبيعى بس اهم شئ لما تستخدمى الصبغة تجيبيها خالية من الامونيا علشان ما تضرش شعرك

    ردحذف
  9. مشكووووره عالطرح والمعلومه ... ممكن تجاوبوني؟؟ انا شعري اسود طبيعي ماعمري بحياتي صبغته والحين ابي اصبغه بني او اشقر رمادي ماذا افعل هل اخلط الوان؟ اما لا؟ افيدوني لان شعري اسود اخاف يطلع لون ثاني او يضرب !!! ارجووكم ردووو حبايبي

    ردحذف
  10. حبيبتى الشعر الاسود لو عايزة تصبغيه نصيحتى ليكى عموما عند استخدام الصبغة هى شراء الصبغة الخالية من الامونيا كمان لازم تعرفى ان الشعر الاسود مش بيطلع فاتح الالو عملتى له تفتيح قبل الصبغة

    ردحذف
  11. انا عايزة اصبغ شعري اصفر غامق شوية و يبقي خصل و انا شعري اسود ازاي اصبغه

    ردحذف
  12. كل معلوكاتك مفيدة
    انا شعري اسود غامق ابي اصبغه لون اشقر ..كيف اسوي الصبغة

    ردحذف
  13. شعري بني غامق وصبغته اشقر بس طلع برتقالي عايزاه اشقر رمادي اتخلص من اللون ازاي

    ردحذف
  14. ادخلى على الرابط التالى هتلاقى الطريقة الصحيحة لصبغ الشعر اشقر رمادي بالخطوات
    http://setatwebanat.blogspot.com/2013/08/blog-post_7.html

    ردحذف
  15. حبيبتى لو عايزة تصبغى شعرك الاسود اى درجة من درجات الاصفر لازم تستخدمي صبغة والافضل انك تختارى اللون وتخلى كوافيرة متخصصة تعمله ليكى علشان تظبت لك درجة اللون وطبعا اى صبغة تستخدميها تكون خالية من الامونيا علشان تحافظى على شعرك من التلف

    ردحذف
  16. عزيزتي انا شعري اسود اريد ان اصبغه بني عسلي واشتريت اشقر فاتح بدون امونيا ينفع لو وكيف اقوم بسحب اللون ارجو منك ان ترسلي لي ماهو افضل منتوج لسحب اللون
    وشكرا لك

    ردحذف
  17. حبيبتى انتى هتلاقى على العلبة درجات اللون بعد الصبغ انتى شوفى درجة صبغ الشعر الاسود واختارى اللون امناسب ليها اما بالنسبة لسحب اللون فالافضل ليكي علشان ينجح معاكى لازم تعمليه عند اخصائي او كوافير شاطر

    ردحذف
  18. اني شعري مصبوغ بالون النحاسي وخصل ثلجي واريد اصبغ اللون البلاتيني اشلون ياريت اتساعديني

    ردحذف
  19. انا عملت شعري بالحنة اسود من 3 شهور وحاليا عايزها اصبغه اصفر حاد بس استخدمت كريم اوكسجين قبل صبغة لم يعطي اي لون لتفتيح الشعر

    ردحذف
  20. انا شعري اسود وفيه شعر ابيض ايه احسن نوع صبغه استخدمه بس يكون مفيهاش ضرر وزاي استعملها
    ارجوكوا ردو عليا بسرعه

    ردحذف
  21. حيبتى ممكن تستخدمي صبغة اسمها ريفلون باللون الاسود ودي خالية من الامزنيا ومش بتضر الشعر

    ردحذف
  22. انا شعري فيه الاصفر واسود ولبني واريد اشقر اريد الحل

    ردحذف
  23. السلام عليكم ارجو المساعده بالأول خصلت شعري وطلع لونه فاتح كلش على بياض وبعدها طفيت اللون أم الصالون صبغت شعري كله طفت الخصل وصار لون شعري نحاسي جوزي على حمار وضاعت كل الخصل وصار شعري كلش مو حلو شنو اسوي اريد طريقه تخلصني من هذا اللون النحاسي ومليت من الصالونات كله كذب بس يردون فلوس رجاءً ناطره رد

    ردحذف

إرسال تعليق

أحدث أقدم