الكيراتين الاصلى طريقة عمل الكيراتين لفرد الشعر فوائد الكيراتين و اضرار الكيراتين

 الكيراتين الاصلي  , الكيراتين البرازيلي ,  الكيراتين فرد الشعر , الكيراتين للشعر انواع الكيراتين , بعد الكيراتين  , شامبو الكيراتين , طريقة الكيراتين , علاج الكيراتين ,الكيراتين لتنعيم و فرد الشعر للبنات والسيدات والشباب والرجال   لكل سيدات الامارات
ماهي فوائد عمل الكيراتين للشعر
عطي الشعر حيوية ولمعان وملمس ناعم جدا يحسن ويصلح نوعية الشعر من الداخل والخارج ويحمي الشعر من الأضرار البيئية

-هل استطيع ان اعالج شعري بالكيراتين بعد الصبغ؟
نعم ولكن يجب ان تنتظري اسبوعين بعد الصبغ للحصول على نتيجة افضل

-هل استطيع معالجة الشعر بالكيراتين بعد التمليس؟
نعم يمكنكي بعد اي نوع تمليس

-هل استطيع فرد الشعر بالكيراتين بعد الهايلايت؟
نعم
سمعت ان الكيراتين يغلف الشعر ويمنع وصول الماء للشعر اثناء الوضوء
 فماحقيقة ذلك
طبعا كلام غير صحيح وغير منطقي اولا كلمة تغليف معناها هنا حماية الكيراتين للشعر وليس تغليف بالمعني الحرفي والكيراتين مادة سائلة مثل الكريم لكن سائل يتشربة الشعر بسهولة يدهن عالشعر ثم يجفف فكيف يعقل ان يكون مادة عازلة فهو ليس مثل طلاء الاظافر

-هل يمكني تلوين او صبغة شعرى بعد الكيراتين

نعم ولكن الافضل بعد اسبوعين من العلاج

هل يسبب تساقط ؟انا شعري خفيف ‘ الحمدالله على كل حال ‘ ويتساقط ؟
الكيراتين الاصلي لا يسبب تساقط ولكنه في نفس الوقت لا يعالج التساقط اذا كنتي تعانين منه اصلا يعني لا يزودة ولا يقلله ولكن فيه نقطة مهمة في كوافيرات بيصروا علي عمل سيشوار وبيبي ليس قوي علي الشعر مدة الاربع او ال3 ايام التالية لعمل الكيراتين مهما كانت حالة الشعر وده خطأ لانه الشعر بيجهده جدا كثرة عمل السيشوار والمكواة ل3 او 4 ايام متتالية وفي الحالة دي لبعض انواع الشعور الضعيفة او الخفيفية بيحدث تساقط لا يكون سببة الكيراتين انما سوء الفهم لطبيعة كل شعر وكثرة اجهاده وشده بالسيشوار والمكواة , الشعر يحتاج الي مكواة سيراميك فقط بضربات خفيفة ل 3 او 4 ايام التالية لعمل الكيراتين وكل مايكون الشعر خفيف او ضعيف يكون التعامل معه بحذر اكبر وهنا بتفرق الخبرة والدراية الحقيقية في الي فاهم والي بيدعي الفهم اوقليل الخبرة .
ماذا افعل اذا ترطب او الشعر تبلل الشعر خلال اول 4 ايام؟
عليكي تجفيفه بالإستشوار

بعض الصالونات يقولوا ما نستخدم الكيراتين لانه به مواد مسرطنة ؟؟
ازاى تعرفى افضل الكوافيرات او المشاغل او مراكز التجميل لعمل الكيراتين
غالبا تكون الكوافيرات شي من اتنين اما لا تعرف ماهو الكيراتين اصلا ولا عندها خبره قوية او سبق لهم استعمالة واعتادوا شراء المنتجات الرخيصة ذات الربح الكبير او يكونوا بيروجوا لمنتج اخر للفرد وعشان هدا يتكلمو الكلام هدا لان من يفقه هذا الامر هم الصيادلة الذين لهم الخبرة والمعرفة بالمواد الكيميائية والنسب المصرح بها في كل منتج حسب استخدامة وحسب تفاعل المادة الكيميائية مع باقي المكونات لان الموضوع ليس عشوائيا ولكل تخصصه والمصرح به من منظمة الصحة العالمية هدا بالنسبة للكيراتن لانه لا يدخل الي جسم الانسان لان فيه مواد اخري كمعلبات الالبان والجبن ممكن يدخلون الجسم عن طريق الفم الحد المسموح به من الفورمالين 2. % وفي المطهرات التي تتعامل معها بالايدي 5.% وهكذا الحال لكل منتج حسب استعماله نسبة مصرح بها , وحتي الآن الكيراتين موجود بالعالم العربي والعالم كله لسنوات ولم نري بأعيننا حالة واحدة تعاني من اي شيء سببه لها المنتج الاصلي واذا كانت هناك حالة فقد كانت استخدمت المنتج المقلد والغير مصرح به لاحتوائة علي نسبة اعلي من المسموح بها من مادة او اتنين كيمائية

الى متى يستمر مفعول الكيراتين على شعري؟

على حسب من 4 الى 6 شهور

هل يمكني باستعمال العلاج خلال الحمل ؟
لا يمكن للحمامل ان تستخدم الكيراتين اثناء الحمل او اثناء الرضاعة
شامبو الكيراتين
ماهي منتجات العناية بالشعر المسموح باستخدامها بعد عمل الكيراتين والاخري الغير مسموح باستخدامها ؟

المنتجات الوحيدة الغير مسموح باستخدامها اي شامبو او بلسم يحتوي علي مادة كلوريد الصوديوم لانها المادة التي تبطل مفعول الكيراتين اما عدا ذلك من منتجات كحمام الكريم او الزيوت او السيروم مسموح بها ولا تشكل اي ضر علي مفعول الكيراتين عالشعر
فى البداية يجب ان نعرف سعر الكيراتين فى مصر وبعض الدول العربية

يتراوح ما بين 500 : 1500 جنيه حسب طول الشعر ، ويستغرق وقت عمل الكيراتين 3 ساعات تقريباً.
اى مايوازى حوالى 210 دولار
كيف يتم أستخدام الكيراتين
يتم دخول الكيراتين إلى الشعر عن طريق جهاز معين بواسطة أمبولات ويخرج الكيراتين على شكل بخار ويتم تصفيف الشعر به

هل من الافضل قص شعري قبل العلاج؟
يستحسن قص الشعر بعد المعالجة

متى علي القيام بعمل الكيراتين مرة اخرى

بعد 3 اشهر وحسب الحاجة
إذا تجعد شعري خلال النوم بعد الكيراتين ماذا افعل؟
عليكي تمليسه بالإستشوار او السيراميك ( انصح بعمل السيراميك اربع ايام متتالية) ضربات خفيفة

هل يتوجب علي في المرة القادمة علاج الجذور فقط او الشعر كامل؟
الشعر كامل
يمكني عمل فرد لشعري بالكيراتين بعد علاجات التمليس (اليوكو)؟

نعم
نصائح لمحافظة على الكيراتين بالشعر
فى حالة أستخدام الصبغة تستخدم قبل وضع الكيراتين
لا يغسل ولا يستخدم اى شىء عليه قبل يومين أو 4 أيام من استعمال الكيراتين
استخدام شامبو معالج باستمرار لمحافظة على الشعر

الفرق بين الكيراتين الآصلى والتقليد
الكيراتين المقلد يحتوى على مادة الفورمالين وهى مادة مسرطنة ويتم إضافتها بنسبة كبيرة جدا ويضاف الكثير من المواد الكيماوية والبطاس وهى مواد خطيرة جدا على الشعر ورائحته مثيرة لدموع وتشعر بحرقان بسبب المواد الكيماوية الشديدة به ويستمر على الشعر3 شهور فقط والنوع المقلد
بيطلب تتجنب نزول حمام السباحة وثمنه 1500 جنيه أو أقل
اما الآصلى ليس له أي آثار جانبية فملمسه واحد ومتجانس ومن غير حبيبات وخالى من الفورمالين وحاصل على علامة موافقة منظمة الدواء والغذاء الأمريكية FDA وينصح خبيرتصفيف الشعر أحمد لطفى فى هذا الصدد بأستخدام الكيراتين البرازيلي وليس المنتج اللبناني أو الفرنسي وسعره مابين من 2500 جنيه إلى 5000 جنيه مصرى وعموما السعر بيحدد حسب شكل وحجم الشعر والغرض منه ونوعه


اضرار الكيرتين
مضار استخدام الكيرتين لفرد الشعر

 الحد المسموح به لاستخدام "الفورمالين" في مستحضرات التجميل والمصرح به من قبل إدارة التغذية والعقاقير الأمريكية
لا يتجاوز 0.2 % ولكن الواقع  أن النسبة الموجودة في معظم منتجات "الكيراتين" المستخدم لفرد الشعر تتجاوز الـ2% أي أكثر من 10 مرات
من التركيز المسموح به، طبقا للمعايير التي وضعتها مجموعة "
وأكد الخبراء أن جود مادة "الفورمالدهايد" الذي يستخدم لفرد الشعر قد يشكل خطورة على الجهاز التنفسى ،
وقد تسبب الإصابة بسرطانات الجيوب الأنفية والجهاز التنفسى ، حسب دراسات الوكالة الدولية لأبحاث السرطان التابعة لمنظمة الصحة العالمية ،
كما أصدرت رابطة مصففى الشعر بالبرازيل بيانا منشورا على شبكة الإنترنت يحذر من استخدام مادة "الكيراتين" الممزوجة بـ"الفورمالين" لفرد الشعر
 لأى سؤال او معلومة عايزة تعرفيها بخصوص الموضوع اتركى سؤالك فى تعليق واحنا هيسعدنا الاجابة عليكى بأقصى سرعة موقع عالم ستات وبنات .

34 التعليقات:

غير معرف يقول...

هل بعد مدتة متخلص يبوظ الشعر

غير معرف يقول...

اناشعرى خفيف وهو ناعم لكنه هايش وطويل وانا عايزه اعمل كرياتين لوسمحت عايزه اعرف هيتكلف قد ايه وعايزه اعرف حد بيعمله فى المنصوره

سوما اللبيدى يقول...

الكيراتين الاصلى والخالى من الفورمالين بعد انتهاء مدته الشعر بيرجع زى الاول قبل عمل الكيراتين اما الكيراتين الذى يباع حاليا بالاسواق والملئ بالفورمالين فهى بيضر جدا جدا الشعر وبيبوظه

سوما اللبيدى يقول...

حبيبتى اهلا بيكى وبكل اهل المنصورة وبالنسبة للكرياتين فلا انصحك بعمله لان شعرك خفيف ومش خشن او جاف بل على العكس هو ناعم وبالتالى لاداعى لعمل الكيرياتين لانه هيضر شعرك ومش هيفيده وانصحك بقص اطراف شعرك وعمل خلطات للشعر تكون بتحتوى على زيت جوز الهند الاصلى وزيت الزيتون لان الزيوت دى هتقلل الهيشان وهتنعم وتغذى شعرك ولو عايزة وصفة حلوة اوى هتعالج كل مشاكل شعرك اعملى ماسك النخاع الطبيعى وهتلاقى طريقته بالكامل هنا
http://setatwebanat.blogspot.com/2009/09/blog-post_5414.html

غير معرف يقول...

السلام عليكم...هل ليكم مكان في الاسكندريه؟

سوما اللبيدى يقول...

حبيبتى احنا موقع الكترونى فقط وى مالناش اى اماكن اخرى

غير معرف يقول...

السلام عليكم انا بنتى عندها 3 سنوات و شعرها فتلته حلوه لكن كله على بعضه عنده تمويجه ولا هو حلو مظبوط و كيرلى و لا هو مفرود و بيتعبنى فى التسريح و هى كمان بتعد تعيط و عندها عقده من التسريح و عاوزه اعملها كرياتين بس خايفه ومش عارفه اعمله فى اى مكان انا من المنصوره ياريت تدلينى على ءأمن مكان اروح له

سوما اللبيدى يقول...

بصى يا جميل انصحك بحاجتين لو عملتيهم شعر بنتك هيتحسن جدااااا اولا قصى شعر بنتك قصة شعر قصيرة وده هيخلصك نهائيا من الشعر التالف وعقده وهتخلى ششعر بنتك يبقى ناعم ويطول بشكل افضل وثانى حاجة لازم تهتمى بغسل شعرها بالشامبو والبلسم وبعدها ممكن تحطى لها البلسم اللى بيفضل فى الشعر وتستخدمى ليها سيرم الشعر كل دى حاجات هتنعم شعرها بدون ما تضره ولكن لاانصحك ابدا ابدا ان تعملى لطفلة كيراتين لانه هيضر شعرها طول عمرها

Zahra Kamal يقول...

انا عملت الكيراتين وشعرى حلو بس وهما بيعملو بالسيراميك كان فى ابخرة كتير ليها ريحة بس تستحمل ريحتها مش بتحرء ف العين وبعد الكيراتين ترك ف شعرى ريحة وراحت بعد اسبوع هل عليو فورمالين ارجو الرد

سوما اللبيدى يقول...

بصى يا جميل علشان اكون صريحة معاكى الكيراتين الموجود دلوقتى فى الاسواق اغلبه يحتوى على الفورمالين وبالذات نوع الكيراتين اللى بيفرد الشعر اكيد بيكون محتور على الفورمالين

غير معرف يقول...

سلام عليكم
انا عايزة اعرف لو فى اسماء كوافيرات معروفة بتستخدم كيراتين و بروتين برازيلى اصلى يكون زيرو فورمالين ومضمون فى القاهرة يا ريت تقولوا عليها لانى عايزة اعمل شعرى كيراتين او بروتين ومش عارفة اعمله فين لانى خايفة يكون فيه فورمالين بنسبة عالية وبارضو يا ريت تقوليلى البروتين افضل ولا الكيراتين
جزاكى الله كل خير

سوما اللبيدى يقول...

حبيبتى انصحك تبعدى عن الكيراتين اللى عند الكوافيرات والافضل تشتريه بنفسك من الصيدلية ولو عايزة تشترى نوع يكون كويس وخالى من الفورمالين ممكن تشتريه من صيدلية سيف فرع ابراج عثمان والمسؤلة هناك د اميرة ورقم التليفون هو 25249147 بس هو سعره غالى شوية لانهخالى من الفورمالين تماما وسعره حوالى 1500 جنيه

غير معرف يقول...

انا زعلانة جدا انا عملت كيرياتين من تلات ايام بالظبط وياريتنى ماكنت عملته كنت شوفت موضوعكم الاول مع انى بحثت كتتير قبل مااعمله وهو فعلا كان بيحرق جدا وبيحرق عينيا وكنت بحس بدوخان طول اليوم وللاسف بعد ماغسلت شعرى فى هيشان مش زى الاول خالص قبل مااغسله وبجد زعلانة اوى ودفعت 1500 جنيه وصعبان عليه فلوسى مش عارفة هل عندكم اى حل لشعرى اقدر اعالجه واحميه من انه يبوظ

اسماء اللبيدى يقول...

حبيبتى قدر الله وما شاء فعل انتى دلوقتى لازم تلحقى شعرك وتروحى لدكتور جلدية علشان يشوف درجة الضرر وصلت لايه ونصيحتى ليكى انك تتوقفى عن عمل الوصفات لشعرك لفترة لان شعرك هيكون محتاج يرتاح شوية حتى من استخدام الحاجات المفيدة

غير معرف يقول...

هل يوجد قسم للسيدات المحجبات لعمل الكرياتين وهل يوجد مركز للدكتور احمد فى الاسماعيليه اريد العنوان

غير معرف يقول...

عاوزة اعمل كيراتين وخايفة انه يكون مغشوش وسألت اكثر من كوافيرة واسعارهم مختلفة واللى تقولى بتستخدم امبولات واللى بتقول كريم واللى تقولى ب450 واللى تقولى 1000 اعرف ازاى الأصلى من المغشوش وانا طبيعة شعرى اساساً كان كويس لكن عوامل الجو اتغير واصبح جاف ومقصف وبيتأثر برطوبة الصيف ويجعد ويهيش لكن فى الشتا شعرى بيكون كويس علشان كده عاوزة اعالجه بس بكرياتين من غير فورمالدهيد وسمعت برده ان الكرايتين بيخلى الشعر اللى بيطلع بعد كده بيكون كويس احسن من الأول الكلا ده حقيقى ولا كلام دعاية مش اكتر

medo ahlawy يقول...

انا رايح لكوافير هيفردلى شعرى بكرياتين برازيلى بى 400 جنية ....... الكرياتين كدة مضروب ولا اية ؟

اسماء اللبيدى يقول...

حبيبتى انصحك بشراء الكيراتين الاصلى بنفسك من الصيدلية لتتأكدى انه خالى تماما من الفورمالين وتقدرى وقتها تذهبى لاى كوافيرة شاطرة وامينة وتعملهولك

اسماء اللبيدى يقول...

بالنسة ليك يا ميدو انت لازم تعرف ان الكيراتين الاصلى و الخالى من الفورمالين غالى وسعر العبوة من الصيدلية حوالى 1500 جنيه فاكيد هو هيحط لك كيراتين غير اصلى لان مفيش حاجة اسمها كيراتين 400 جنيه بس لانك شاب وشعرك قصير فمش هيحتاج كمية كبيرة ممكن تشترى عبوة كيراتين انت واكثر من شخص وتستخدموها وبكده هتوفر فى السعر وهتشترى الكيراتين الاصلى بنفسك

غير معرف يقول...

فيه ناس بتقول الكرياتين المعالج الخالى من الفورمالين بيخلى الشعر اللى بيطلع بعد كده كويس وفيه ناس بتحتاج تعمله مرة واحدة او مرتين ويفضل كويس على طول الكلام ده حقيقى؟

اسماء اللبيدى يقول...

الكيراتين المعالج بيعالج الشعر ويزيد ومن نعومة الشعر وترطيبه مع اكثر من استخدام من مرتين الى حوالى اربع مرات وبالنسبة اما بالنسبة للشعر الجديد اللى سينمو فده هيكون مثل طبيعة الشعر الاولى لان الكيراتين بيعالج الشعر من الخارج فقط

غير معرف يقول...

طيب الكرياتين ده بيعالج يعنى الشعر الى هيطلع بعد كده زى الشعر الاصلى ولا هيبقى معالج

اسماء اللبيدى يقول...

اى علاج فى الدنيا للشعر بيعالج الشعر الخارجى فقط مفيش حاجة بتعالج الشعر اللى لسه لم ينمو بعد

amira يقول...

السلام عليكم
انا هتجوز ان شاء الله كمان شهر و عايزة اعمل كرياتبن بس عرفت ان مفعول الكرياتين بيستمر في الشعر من 4 الي 6 شهور و انه مينفعش مع الحمل معني كدة ان انشاء الله لو حصل حمل مش هقدر اعمله تاني و انا محتاجة حاجة تفرد شعري طول الوقت لانه مش ناعم و هل الكرياتين الزيرو فورمالين بيفرد الشعر المجعد بدرجة كافية و يعالج الهيشان ام ان المادة الي بتعمل كدة هي الفورمالين؟ اسفة للتطويل بس عندى سؤال اخير هل اثناء الحمل برضو مينعش اعمل سشوار و مكواة بأنتظام بدرجة حرارة عالية ؟

غير معرف يقول...

سألت عن الكيراتين من غير فورمالين فى صيدلية كبيرة وجدت ال50 مللى ب 150 امريكانى النوع ده كويس ولا لأ ونوع الكيراتين المعالج بدون فورمالين بيحتاج برده لأربع ايام سشوار وفرد

غير معرف يقول...

انا حامل ممكن اعمل كيراتين خالي من الفورمالين ومن غيى نسبه فرد عادي

غير معرف يقول...

هو بيتباع بالجرام ولا بالعلبه لانى انا ولد ومحتاجه للعلاج الشعر فا مش هحتاج كميه كبيره زى البنات عشان شعرها كبير فهل فى الصيدليه الى حضرتك قولت عليها بيتباع منه بالجرام

غير معرف يقول...

انا عملت كراتين وفرد بس بعدها شعر بيتساقط جدا
وبعضه بيتكسر والتكسر يكون بين الشعر الجديد والشعر المعالج
ايه تنصحوني وكمان انا عرسي بعد اشهر وعايزه علاج لان شعري طول ومبين الفرق ؟؟

سوما اللبيدى يقول...

حبيبتى واضح ان شعرك اتعرض لتلف شديد بسبب الفرد واكيد الكيراتين كان بيحتوى على فورمالين ومواد كميائية علشان كده سبب الضرر والتساقط لشعرك والحل هو انك لازم تغذي شعرك بشكل مكثف ومن الافضل انك تذهبي لطبي جلدية ليصف لك بعض الحقن والامبولات لتغذية وعلاج الشعر

غير معرف يقول...

انا برضع ينع اعمل كرياتين ولا اعمل بروتين ولا ماينفعش الاثنين واحسن مكان لشرائية وعملة

سوما اللبيدى يقول...

حبيبتى انا شخصيا بافضل عدم عمل الكيراتين او البروتين او الصبغات اثناء الحمل والرضاعة لان كل شئ بيدخل لجسمك بيوصل للبيبى عن طريق الدم

سوما اللبيدى يقول...

حبيبتى اولا الف مبرروك وبالنسبة للكيراتين هو فعلا هينتهى مفعوله بعد عدة اشهر وطبعا لو انتى كنتى حامل وقتها مش هينفع تستخدميه و عادى ممكن وانتى حامل تستخدمي المكواة و الاستشوار بس لا تكثري من استخدامه علشان صحة شعرك وبالنسبة للكيراتين المعالج الخالى من الفورمالين فده بنعمله اكثر من مرة علشان يجيب معانا نتيجة حلوووة

سوما اللبيدى يقول...

حبيبتى الكيراتين الامريكي نوعه كويس والسعر اللى انتى كتباه معقول ومش غالى

سوما اللبيدى يقول...

بالنسبة للكيراتين فمش بيتباع بالجراع بيتباع عبوات بس فى منه عبوات صغيرة وهتلاقيها فى صيدلية سيف فى مصر وسعر العبوة الصغيرة اقل طبعا من العبوة الكبيرة

إرسال تعليق